Бундан 17 йил олдин. У пайтларда уй телефони бўларди. Жиринглаб қолди. Кўтарсам онамни синфдошлари Рўзимбетов Хабибулла ака. ( У киши хозир оламдан ўтганлар. Жойлари жаннатда бўлсин. Ўша вақтда связьда ишларди рахматли.) Салом аликдан сўнг сен фалон номерга қўнғироқ қил. Сени телевединиядан сўраяптилар деди. Ишонмадим тўғриси, сабаби хазилкаш одам эдилар. Айтган рақамига қўнғироқ қилгандим аёл киши кўтариб, телевиденияга келиб кетишимни сўрадилар ва манзилни тушунтирдилар. Ўша вақтлари телевидения учун алохида бино ажратилмаган, текст, монтаж ишларини каналнинг рахбарини уйида ишлардик. Бир сўз билан айтганда бордим, телеканал рахбари билан учрашдим, қисқа сухбатдан сўнг мени телеканалга ишга олишди. Ўша вақтларда аниқ эсимда йўқ хафтасига икки кунми, уч кунми эфирга чиқардик. Мендек фақат ўрта мактабни тугатган, яширинча қоғоз қоралайдиган хаваскор қиз учун катта бир бахт эди. Текстни ёзиб беришарди, камерани микрафонига ўқиб берардим бўлди. Қиладиган ягона ишим шу эди. Янгиликлар дастурини эфирга бериш учун 5 нафарча одам ишлардик. Ўшанда Шарипов Ўктам ака, Саттаров Равшан деган хамкасбларим бор эди. (Хозир хам муносабатларимиз яхши.) Улар жойларга бориб съёмкалар қилиб келишарди. Текстларни эса телеканал рахбари билан бирга Ўктам ака ёзардилар. Кадр ортидан эса Ўктам ака билан алмашиб ўқирдик. Текстдаги “Касални яширсанг иситмаси ошкор қилади” деган жумлаларга тилим келишмай “Касални яширсанг ишитмаси ошкор қилади” деб ўқиб юрган бир хаваскор қиздан бугунга келиб, Севимли телеканаланинг Қорақолпоғистон мухбирига айландим. Элликкалъа телеканали кимлар учундир Қорақолпоғистондаги бир туман худудидаги телеканал бўлиши мумкин, лекин мен учун катта бир журналистика мактаби ўрнидадир. Ўша телеканалда минг йиллик орзуим ушалган. Текст ёзишни, одамлардан интервью олишни орзу қилардим. Телеканалда йиллар давомида хаммасини ўргандим ва хозирга келиб Тамара ДЖуманиязова бўлиб етишдим. Битта лавхани тайёрлаш учун бир неча кунлаб мехнат қиладик. У пайтлари бунақа имкониятлар бор дейсизми. Съёмка учун ўша пайтдаги оддий камералар, монтаж хам шунда қилинарди, овоз хам шунга ёзиларди. Бир ишласа, бир ишламайдиган микрафонлар. Текстни қоғозга ёзамиз, мухаррир сўзларни, гапларни, жумлаларни текшириш вақтида устига ёзарди, урди худо. Қайтадан яна кўчириб чиқиш керак эди. Тўғри ишлашга имконият йўқ пайтларда ишладик. Бора-бора техникалар кириб келди. Монтаж қилишни ўргандик. Оператор йигитлар касал бўлиб қолса, олдиндан келишилган съёмкага бориш шарт. Камерани кўтариб кетиб, камера туширишниям ўргандим. Бугунги кунга келиб Қорақолпоғистонда ягона журналистман ўзи тушириб, ўзи текст ёзиб, ўзи монтаж қилиб, ўзи текстни ўқиб эфирга топширадиган. Хозир катта бир телеканалнинг ходими бўлишимда менга пиллапоя вазифасини ўтаган телеканални жуда соғинаман. Доим эслайман, доим нимадир ёзгим келади шу телеканал хақида. Бугун эслаётганим эртага 27- июнь Матбуот ва оммавий ахборот воситалари яъни биз журналистларни касб байрами. Фурсатдан фойдаланиб ўзлари билмаган ҳолда мени орзуларимни ушалишига катта ёрдам берган, бугунга келиб Тамара ДЖуманиязова бўлиб етишишимда катта кўмакчи бўлган, телеканал сир асрорларини ўргатган Гулистон опа Раджапова, Ўктам ака Шариповларга катта рахмат десам, мен билан бир вақтда фаолият олиб борган Равшан Саттаров, (яна қанчадан қанча хамкасбларим бор эди кўпчилиги эсимда йўқ) ларни бугунги касб байрамлари билан табриклайман. Шу қатори Элликкалъа туманда фаолият олиб бораётган журналист хамкасбларимни, алохида Зулайхо опа Нурметовани касб байрамлари билан табриклайман. Кичкинагина даргоҳдан, катта манзилга етишишимга устозлик қилган, елкадош турган барчага яна бир бора катта рахмат. PS: Расм бугун бизга ИИВ томонидан байрам муносабати билан тақдим қилинган ташаккурнома.
Хурмат ва эҳтиром билан Севимли телеканали Қорақолпоғистон мухбири Тамара ДЖуманиязова.