Фарғона шаҳар Камбағалликни қисқартириш ва бандлик бўлими ходимлари бўлим бошлиғи С.Тнинг амалдаги қонунларни менсимасдан, қўл остидаги ходимларни ўзининг шахсий адовати, қолаверса “ўзига қарашли кадр”ларга бўш иш ўрни яратиб, ишга қабул қилиш мақсадида кўп йиллардан буён ўз хизмат вазифаларига виждонан ёндашиб келаётган ходимларни ўзбошимчалик билан ишдан бўшатиб, бўлимда носоғлом муҳит яратмоқда, буни билган Фарғона шаҳар ҳокими В.Н. билади-ю билмаганга олади ёхуд ўзининг буюртмаси асосида бўлаётгандай гўё.
Ходима 2010 йилдан буён бухгалтерия соҳасида доимий равишда виждонан ҳалол ишлаб келган, оилани ягона боқувчиси, кам таъминланган оила бўлиб, фарзандлари бор, оилада ёлғиз она, 2023 йилда ипотека кредитига уй харид қилган. 2021 йил 16 сентябрда Фарғона шаҳар КҚваБК бўлимига бош ҳисобчи лавозимига ишга қабул қилинган, мазкур бўлимда бевосита ўз хизмат вазифаларини виждонан ва сидқидилдан бажариб келаётган эди.
Бироқ, бўлим бошлиғи С.Т. асоссиз ўзининг манфаатлари учун мансабидан фойдаланган холда ходимани 10.09.2024 йилдан у билан тузилган меҳнат шартномасини Меҳнат Кодексининг 161-моддаси 5 бандига асосан бир томонлама бекор қилинишига эришган.
Бунга қадар С.Т. 2023 йил октябрь ойида бўлимга бошлиқ ўринбосари лавозимига ишга қабул қилинган, бўлимга январь ойидан имзо қўйиш ҳуқуқи билан вақтинча бажарувчи, 16.03.2024 йилдан эса доимий бўлим бошлиғи лавозимига ўтган. С.Т. лавозимга ўтиши билан атрофига ўз танишларини ишга олиб ташкилотнинг бир қатор малакали ходимларини турли баҳоналар билан ишдан бўшатиб юборган, ходимларни гуруҳларга ажратиб қўйди ва бу ўта кучли даражада ташкилотда муҳит бузилишига
олиб келди. Лавозимга ўтиши билан дастлаб бўлим бошлиғи С.Т. ходимга босим ўтказишни бошлади, бухгалтер бўлишига қарамасдан умумий залда ишлашга мажбур қилди (бунга гувоҳлар бор), 28.03.2024 йил кунидан шантаж, туҳмат ва тазйиқ йўллари билан аҳолини тадбиркорлик ва касб-ҳунарга ўқитиш бош мутахассиси гарчи малака талабига жавоб бермаса-да, юридик марказдан берилган юридик хулосага асосан М.А. билан мажбуран ротация қилди, кейинчалик эса 29.05.2024 йилдан (мансабидан фойдаланган ҳолда) ўзининг таниши бўлган бухгалтерия соҳасида 1 кун хам тажрибага эга бўлмаган Абдуллаев Бобурмирзо Бахтиёровични бош ҳисобчи лавозимига муайян муддатга тузилган буйруқ билан тайинлаган, ҳозирда ҳам Б.Абдуллаев мана неча ойдан бери бўлимда бош ҳисобчи бўлиб ишлаб келган, у аслида 01.07.2012й. Фарғона давлат университетини агрономия йўналишини тамомлаган ва “Ишга марҳамат” мономарказида 3-ойлик бухгалтерия курсларида ўқиганлиги тўғрисидаги қалбаки FNM № 008432 рақамли сертификат билан ишлаб келган, айни дамда ушбу рақамли сертификат база бўйича Шеров Бобиршер Бобошеровичга тегишли бўлган.
Бундан кўриниб турибдики, бўлим бошлиғи С.Т. ўз мансаб ваколати доирасидан четга чиқиб, мансаб ваколатларини суиистеъмол қилгани холда Б.Абдуллаевни қонунга хилоф равишда ишга қабул қилиб, уни шу кунга қадар фаолият юритишига замин яратиб келган. Б.Абдуллаевнинг найранглари фош бўлаётганлиги сабабли бўлинма бошлиғи томонидан тезкорлик билан ишдан бўшатиб юборилган, тўғрида сассиқ ишнинг сассиғи қирқ йилда хам исиб келаверади.
Бўлим бошлиғи С.Т. ўз фаолияти давомида бу каби ғайриқонуний хатти-ҳаракатлари билан кифояланмасдан М.Юга босим ўтказишда, асоссиз туҳматлар қилишда давом этаверган, ҳатто ходим устидан бўлим бошлиғи С.Т. ташкилий назорат ва кадрлар бўлими бош мутахассиси Б.Атаджанов, бўлим бош ҳисобчиси Б.Абдуллаевлар ҳудуд нозирига хар хил уйдирма туҳматлар билан ариза бериша бошлашган, М.Ю бўлим бошлиғининг туҳматлари асоссиз экканлигини ҳатто вилоят ҳокимига 12.09.2024 йил куни қилган мурожаати юзасидан вилоят бандлик бош бошқармасига ёзган тушунтириш хатида ёритиб, С.Т. унга қўйган айбловлари асоссиз туҳмат эканлигини яққол исботлаб берган.
Ҳозирда М.ю. 23.12.2024 йил № 2-1501-2407/43771 суд қарори билан муқаддам ишлаган иш ўрнига ишга тикланди ва 37.418.946 сўм миқдорда 10.09.2024 йилдан бошлаб мажбурий прогуллар учун иш ҳаққи ва моддий-
маънавий зарар учун компенсация ундирилиши бўйича аризаси қаноатлантирилди, ва жавобгар ташкилотга 2.500.000 сўм давлат божи ундирилиши бўйича қарор чиқарилди.
Бўлимнинг бошқа бир ходимаси КҚваБК бўлимида 2006 йилдан буён дастлаб ҳудуд инспектори, кейинчалик эса бўлим ишга жойлаштириш инспектори, 2023 йилдан бўлим аҳолини ишга жойлаштириш бош мутахассиси лавозимларида узлуксиз равишда ишлаб келган. Ёлғиз боқувчи, кам таъминланган оила бўлиб, қарамоғида 2 нафар вояга етмаган ўқувчи фарзандлари бор, кам таъминланганлар учун бериладиган уйлардан ипотека кредити асосида харид қилган, ўша маҳалда ишсиз қолганлиги сабабли 7 ой давомида кредит тўловларни амалга оширолмагани учун банк уйни мусодара қилишга судга берган.
Бўлим бошлиғи С.Турсуналиев ўз таниш-билишларини ишга олиш мақсадида учун М,Мни эгаллаб турган вазифасидан бўшатиш режасини тузиб, режа асосида хеч қандай асоссиз равишда 16.07.2024 йил № 736-11-169/БКМ/2024 йил сонли буйруққа асосан гарчи қисқартириш критерияларига зид бўлса-да, уни қисқартирувга туширган, ваҳолонки қисқартириш даврида Турсуналиев бўлимга ўз одамларини, малака талабларига жавоб бермаса-да, ишга қабул қилаверган. Абдуллаев Бобурмирзо, Исмоилов Жахонгир, Турдиматов Шохаббос, Исаков Ахрор ва хаттоки ташкилий назорат ва кадрлар булими бошлиғи Атаджанов Бекзод хам шулар жумласидан. М.Мни қисқартирув буйруғи шахсан юридик марказ бошлиғи Ш.Толиповнинг имзоси билан тасдиқланган юридик хулоса билан кучга кирган, юридик марказ негадир шунча йиллик тажрибага эга ходимни қисқартирилиши ва малака талабига жавоб беролмаган тажрибасиз ходимларни ишга олишда Турсуналиевга ўз беминнат ёрдам қўлларини чўзиб, уни ҳимоя қилишда давом этиб келмоқда.
М.М 2024 йил ўз ҳуқуқларини ҳимоя қилиш ва ишига тикланиш учун фуқаролик судига мурожаат қилган ва 03.12.2024 йил кунги суднинг ҳал қилув қарорига асосан мажбурий прогуллар ва моддий-маънавий зарар учун 16.866.857 сўм атрофида компенсация ундирилишига муваффақ бўлди ва давлат божи учун 1.424.674 сўм ундирилиши белгиланди. Муҳтарам Президентимиз ёлғиз аёлларни ҳимоя қилишга алоҳида эътибор қаратилишини таъкидласалар-у, бу масъул мансабдор шахслар аёлларни таҳқирлаш, туҳмат қилиб ишдан четлатиш билан овора бўлишса.
Шунингдек, бўлимнинг яна бир ходимаси С.С маълумоти бўйича мутахассислиги бухгалтер-аудитор, иқтисодчи, оилали, 3 нафар вояга етмаган фарзандлари бор, ҳозирда Наманган “Илм-фан ва бизнес” университети 3-курс сиртқи бўлимда тўлов-контракт асосида ўқийди, 01.03.2010 йилдан мазкур ташкилотда дастлаб ҳудуд инспектори, кейинчалик ишга жойлаштириш инспектори лавозимларида ишлаб келган.
С.С 18.10.2021 йилдан Фарғона шаҳар бандликка кўмаклашиш маркази (ҳозирги вақтда ташкилот 25.01.2023 йил ПФ-14 билан камбағалликни қисқартириш ва бандликка кўмаклашиш бўлими этиб қайта ташкил этилган) аҳолини ишга жойлаштириш инспектори лавозимидан ҳомиладорлик ва туғруқ таътилига чиққан. Ходима 01.04.2024 йилдан туғруқ таътилидан қайтиш учун бўлим бошлиғи С.Турсуналиевга мурожаат қилган, бўлим бошлиғи уни ишга қайтармаслигини у ишлаган ташкилот ва унинг ўрни аллақачон қисқариб кетганлигини баҳона қилиб, ишга қайтаришдан бош тортган ва суд орқали ишга тикланиши мумкинлигини айтиб хонасидан чиқариб юборган. С.С. бошлиқнинг олдидан чиқиб бандлик бош бошқармаси Давлат меҳнат ҳуқуқ инспектори Аброржон Абдуллаевга мурожаат қилган, натижаси бўлмагач ходим ташкилотни судга беришга мажбур бўлган. Фуқаролик ишлари бўйича Фарғона туманлараро судининг 17.10.2024 йилдаги № 2-1501-2407-27268 сонли ҳал килув қарори билан С.Сга ишга тикланиш ва жами 23.678.100 (давлат божи ва 5.000.000 сўм жарима билан) сўм миқдорида маънавий зарар ундирилишига муваффақ бўлди. 27.09.2024 йил № 772-11-169-БКМ/2024 сонли буйруқ билан 29 август кунидан С.С. ишга аввалги Фарғона шаҳар бандликка кўмаклашиш маркази аҳолини ишга жойлаштириш инспектори лавозимига яъни амалда йўқ ташкилот ва лавозимга қайтарилган, у билан меҳнат шартномаси қайта тузилмаган. Ташкилот бюджет ташкилоти бўлганлиги сабабли ҳисоб-китоблар УзАСБО-2 дастури орқали амалга оширилган, дастур фақатгина амалдаги штат жадвалида ишлаётган ходимлар учунгина меҳнатга ҳақ тўлашга дастурланган бўлиб, табиийки С.С.нинг иш ўрни амалдаги штат жадвалида кўрсатилмаганлиги сабабли у қарийб 4 ой мобайнида иш ҳаққи олмасдан ишлаб юришга мажбур бўлган.
С.Т. ва ташкилий назорат ва кадрлар бўлими бошлиғи Б.Атаджановлар шу билан чекланибгина қолмасдан С.С.ни доимий босим остида ишлашга мажбур қилишган, камига С.С билан ҚАЙТА ТУЗИЛМАГАН мехнат шартномаси унинг фарзанди 3-ёшга тўлиши муносабати билан, иш берувчининг ташаббусига кўра, умумий йиғилиш билан 15.11.2024 йил № 29-11-169-БКМ/2024-сон буйруқ билан МК 161-модда 2-бандига асосан бир томонлама бекор қилиб юборилган. Шу ўринда бир савол туғилади тузилмаган меҳнат шартномасини хам бекор қилиб юбориш мумкинми ёки Фарғона шаҳар юридик марказ билан КҚваБК бўлими бошлиғи томонидан алоҳида ёзилган меҳнат қонунчилиги борми? Ташкилотни судга берилса шаҳар юридик марказ бошлиғи Ш.Т. ўзича гўёки ташкилотни манфаатларини ҳимоя қилгани, аслида эса бўлим бошлиғи С.Т. манфаатларини ҳимоя қилиш мақсадида судга бориб аёлларни ишга қайтармасликга жон-жаҳди билан ҳаракат қилган.
Бундан ташқари бўлимнинг яна бир ходимасини маълумоти олий 2011 йил Фарғона политехника институти бўлими кундузги таълимни тамомлаган, маълумоти бўйича мутахассислиги озиқ-овқат технологияси мутахассиси, оилали ходима хам худди бошқалар сингари бола парвариши таътилидан қайтишига йўл қўйилмаган ва ўз иш жойига суд орқали тикланди ва бюджет маблағларидан 20.183.000 сўм атрофида (давлат божи билан) моддий ва маънавий зарар ундиришга муваффақ бўлди.
Юридик Марказларнинг бевосита вазифаси ташкилот манфаатларини ҳимоя қилишдан иборат эмасми? Нега Фарғона шаҳар юридик маркази ташкилот қолиб шаҳар камбағалликни қисқартириш ва бандликка кўмаклашиш бўлими бошлиғи С.Т. шахсий манфаатларини ҳимоя қилишга киришиб кетди, бундан уларга бирор манфаат бормиди? Фарғона шаҳар юридик маркази билан шаҳар КҚваБК бўлими ўртасида йиллик 3.000.000 сўм атрофида шартнома имзоланган бўлиб, марказга бўлимдан ҳар ой ҳисоб фактурага асосан юридик хулоса учун тўлов ўтказилади. Бу маблағ нима учун ўтказиляпти ташкилот манфаати учунми ёки бўлим бошлиғининг манфаатини ҳимоя қилиш учунми? Битта ташкилотдан 4 нафар аёлларни айниқса ёлғиз боқувчи оналарни сарсон қилиш оқибатида бюджетга қарийб 110.000.000 (бир юз ўн миллион) сўм атрофида моддий зарар етказилган. С.Т.нинг бу хатти-ҳаракатларини нега ҳеч ким қонуний баҳоламаяпти? Битта ташкилотдан 4-та меҳнат қонунчилиги бузилиши бу шармандалик эмасми? Айниқса ташкилот ўзи меҳнат қонунчилигини ҳимоя қилувчи ташкилот бўлса-ю, бўлим бошлиғи меҳнат қонунчилигини ҳатто суд қарорларини менсимай ўз шахсий қонунлари билан ишласа, ахир бу жиноят эмасми? Яна имзо сохталаштиришлар, аёлларни таҳқирлаш каби жиноятлар айнан
Фарғона вилоят камбағалликни қисқартириш ва бандлик бош бошқармаси, Фарғона шаҳар камбағалликни қисқартириш ва бандлик бўлимида юз берилса-ю ҳеч ким буларга чора кўрмаса!? КУСТО ХАЙРАТДА!!!
Бўлимда муҳит ўта даражада бузилган, гуруҳбозлик авжида, яна бир ходиманинг устидан бўлим бошлиғи бошчилигида ўз гуруҳи ходимлари ҳудуд нозирига асоссиз аризалар бериш билан овора бўлишмоқда, нима Фарғона вилоятида ИИБ нозирларини бошқа қилгани ишлари қолмагандек дарровда асоссиз аризаларни кўриш билан банд бўлиб қолишган.
Ходимлар дастлаб ҳокимият органлари ва юқори турувчи вазирликларга мурожаат қилишган лекин вазирликлар пинагини хам узиб қўйишмаган.
Ўзбекистон Республикасининг 11.09.2017 йилдаги “Жисмоний ва юридик шахсларнинг мурожаатлари тўғрисида” ги Қонуни талаблари мутлақо копток қилиб ташланган.
Бўлинма бошлиғининг хатти-ҳаракатлари туфайли амалдаги қонунларни бузганлиги оқибатида давлат бюджетига юз миллион сўмдан зиёд зарар етказилган. Фарғона вилояти бўйлаб ўн тўққизта шаҳар туман бўлинмалари мавжуд бўлиб хар ой ўртача ҳиссобда бир миллиарддан зиёд икки миллиард сўмга яқин давлат бюджетига зиён келтирилмоқда.