Қўшмачилик ҳақида эшитганимизда кўз ўнгимизга жирканч иш билан машғул бўлмоқчи бўлган шахсларни қўшиб берган ёки уларни шу йўлга бошлаган шахслар кўз ўнгимизга келади. Бу иш билан ёш йигитнинг шуғулланиши эса барчани ўйланиб қолишга мажбур қилади.
Судланувчи А. 2024 йил 27 август куни ўзи ижара асосида яшаб келаётган хонадонда қўшмачилик қилиб, 450.000 сўм эвазига тадбир иштирокчиларига жинсий алоқа қилишлари учун шароит яратиб берган вақтида Фарғона шаҳар ИИО ФМБ ЖҚБ ходимлари томонидан ушланиб, ундан холислар иштирокида тадбир учун ажратилган 450.000 сўм ашёвий далил тариқасида олинган.
Жиноят ишлари бўйича Фарғона шаҳар судида А.га оид жиноят иши кўриб чиқилиб, у Ўзбекистон Республикаси ЖК 131-моддасининг 1-қисмида назарда тутилган жиноятни содир этганликда айбли деб топилиб, иш ҳақининг йигирма фоизи миқдорини давлат даромади ҳисобига ушлаб қолган ҳолда
1 (бир) йил муддатга ахлоқ тузатиш ишлари жазоси тайинланди.
Бу ҳолатда, судланувчи А. ўзига керакли хулоса қилди ва бундан буёғига қонунга бўёсунган ҳолда яшайди деган яхши гумонда бўламиз.
Самандар Қодиров, Жиноят ишлари бўйича Фарғона шаҳар судининг судья ёрдамчиси